U and me.........And We.........

Kitna mushkil hota hai kisi baat ko samzna aisi halato me jab hum sabkuch jante hai samzte hai aur har paheloo ko samzkar koi kadam uthate hai lekin phir bhi sabki nazro me hum galat sabit ho jaate hai...??
Kitna bura lagta hai tab jab aap bilkul akele pad jaate hai aur koi aapko samaz nahi paata...aapki sachhai ko koi samaz nahi pata...kabhi kabhi to kai baate tab samz me nahi aata jab aapko ye pata ho ki aapke aas paas ke log aapke baare me kya sochte hai ye aap bakhubi jaante ho lekin phir bhi aapko unhi logoka zindagi me har mod par samna karna padta hai aur unke saath acche se pesh aana padta hai...

Jaha kabhi hum sochte hai ke kisi nek insaan ke saath apni puri zindagi guzar denge khushi khushi,,,,,najane halat aise ban jaate hai ki kya sahi aur kya galat hai samaz me nahi aata hai...kabhi kahi wo insaan duniya me sabse zyada ajiz hota hai aur kabhi wo hi hamare liye ek aisa zindagi ka paheloo ki use samzna namumkeen sa lagta hai...kabhi lagta hai ki tum aur main hamesha hamesha keliye ek hojaye...aur phir tum aur main se hum hojaye...ye haseen khwab kabhi haqiqat bhi ban jate hai lekin haqiqat ka samna karke use swikar karke use nibhana shayad bahot mushkil hota hai....

Mushkilose tum muze sawarna...main tumhe har mod par pana chahti hu aur phir hum ek hai....kitna ajeeb sa lagta hai...ek honese pahele jise dilo jaan se chahte hai tabtak sabkuch alag hota hai...magar najane kitne aise rishte aise paheloo aur aisi duniya hai jaha log pahele akele hote hai aur jab ek ho jate hai tab wohi rishte nibhaye nahi nibhte hai...aur hamesha ye shabd aise hi akele ho jate hai...tabhi to lagta hai aaj "Tum" ho,"Main" hu magar "Hum" kabhi ho payenge...aur agar ho gaye to kabtak....

Bass yahi sab sikha jata hai ek ek sabdo ka khel aur unki ehmiyat....Khair pata nahi sab ek kyu nahi ho pate??Main hamesha inke Jawab dundhti hu.....par jawab mil nahi paate...ya samadhan nahi ho pata hai unn jawabose jo koi jawab deta hai ya samzata hai....aur rahe jaate hai hamesha zahen me....Tum......Main......Aur Hum....................

Relationship....

Rishte kuch humne banaye aur kuch janam lete hi,iss duniya me paida hote hi ban gaye...suna hai kuch rishte ishwar ke marzi se bante hai...jinn rishto ko hume dilse nibhana hota hai...jaise ki Mata-Pita,Bhai-bahen,Pati-patni,Beta-Beti Aur blood relation jise khoon ke rishte kahete hai....kahene ke liye  to har rishta apne aap me unique hota hai lekin usse nibhane ke kiye log dil aur dimag dono kahi isttmal karte hai...kai rishto me to bass swarth hi chupa hota hai...aur kai rishte bebuniyad nibhaye jate hai,,,magr iss duniya me hazaro rishto ke bich ek rishta hota hai jisme na koi swarth,na koi khoon ka rishta,na bebooniyadi rishto ki pahechan,,,,,Uss rishte ko bass ek sacche aur imandar dil ki pahechan hoti hai...Jise hum dil ka rishta kahete hai...jo bass dilse nibhaye jaate hai...aise dil ke rishte me sirf pyar,vishwas,aur tyag yahi sab hota hai...yahi iss rishte ki jad hoti hai...innhi sabse dil ka banaya hua rishta mazboot hota hai...yahi iss rishte ki dharohar hai...aur yahi iss rishte ka maan aur sanmaan bhi hai...

Kya kisike zindagi me aisa dilka rishta hota hai??? kya koi apne rishte ke dayre ko inn pyar,bharosa aur parityag jaise mazboot diwarose sanjota hai...Shayad aisa hota hai...har kisiko sacche aur imandar rishte milte hai...kya har koi aise hi rishte ki talash me raheta hai...bass lagta yahi hai,ki aise rishte me jise sirf dil ki baate acchi lagti ho,jise dilse behatar koi na samzta ho uss anmol rishte ko sirf hum apni taraf se har mumkeen pyar dena hi jante ho...aise rishteme bina kisi ummid ke hazaro khushiya dastak de jaati hai...magar aise rishteme sirf dena hi padta hai....Give and Take jaisi to koi baat door door tak nazar hi nahi aati hai,,,yaha bass "Give and Give up"..yahi nazar aata hai...

Ek khubsoorat ehsaas hota hai ye dil ka rishta jise insaan khud apne dilse banata hai...phir wo usse ek pyarasa naam deta hai jise "Dost" kahete hai.... Dosti pyar ka naam hai aisa aksar sunte hai...lekin  kya dosti pyar se bhi badhkar hai,shayad "Ha".....Ya shayad "Na"...Magar insaan agar mushkilome ghira hua hai aur aise wqut me koi uska haath tham le to wo usse ek saccha Dost hi kahe sakta hai phir chahe wo uske mata-Pita ho ya uska Jeewan saathi...Kahete hai jab uparwala kisi samanya insaan ki madat bhi karta hai to uska rishtedar ya uska pyar banakr nahi balki uska dost banakar uski madat karta hai...Dost ki dosti kisi Khuda ki Kudai se kam nahi...

Har rishte ki ek alag pahechan hoti hai...sab rishto ko samzna wakai zaroori bhi hota hai...har rishte ko nibhana ek farz bhi ban jata hai...magar kuch rishto ko samazte samzate hum usse kaise nibhana hai yahi nahi samaz paate..kuch rishte humare liye bahot ajeez hote hai magar usse hum samaz hi nahi paate...hum chahte to hai hum uss rishte ke saath khush rahe magar wo hamareliye khas hokar bhi hum uss rishte me khush bhi nahi rahe paate aur jiske saath khas rishta hota hai use bhi khush nahi rakh paate...shayad kahi kuch kam pad jaata hoga...Kuch rishte aise bhi hote hai jise hum chahte to bahot hai magar use nibha nahi paate...kabhi kabhi to chah kar bhi rishto ko sambhalna mushkil sa lagne lagta hai...

Rishto me Maan-Sanmaan,Rishte ki iizzat karna,aur uss rishte par bharosa,uss rishte se pyar karna aur uss rishte ko nibhane keliye humesha tayiyar rahena aur tyag,balidan karna...shayad innhi sab baatose ek khubsoorat bandhan,ek atoot rishta ban jata hai...jaise khuda se rishta hota hai..bass jaise Mata-Pita se rishta hota hai...Kuch aisa hi rishta  jisme sirf apnapan hota hai...jise nibhakar khushi milti ho,jiskeliye kuch bhi karne ko dil karta ho,jiski khushi keliye sabkuch accha lagta ho...koi kisikeliye ye sab tabhi karta hoga jab ek insaan ko ye yakin ho ki uski zindagi me ek sacchha rishta hai jo uske liye sabkuch bina swarth ke karta ho...jo uska har mushkil ghadi me uska haath thame uske saath ho...jo humesh use sahi raah dikhaye...kisika bhi dil apne aap hi aise dilse banaye huye rishte keliye sabkuch kar guzarta hoga...bass chaht hoti hai to ek saf suthre humrahi ki jo akhri dum tak saath de ek sacche Jeewan Saathi ke roop me..ek pyar karnewale Mata-Pita ke roop me..Ek acche Dost ke roop me....

Bass aisa hi ho har rishta Pyar ke roop me...

Nothing..............

Kabhi lagta hai sabkuch thik hai aur kabhi lagta hai ki kuch thik nahi hai...kabhi lagta hai ki kitne khush hai hum aur kabhi lagta hai ki humesha hamare saath hi aisa kyu hota hai ki hum khush nahi rahe paate..hum jo chahte hai aksar wo hume nahi milta...hum jo sochte hai waisa nahi hota hai...kyu humesha pareshaniyo ka samna karna padta hai..hume apni manzil tak pahochte pahochte hazaro taklifo ko sahena kyu padta hai...khushi bhi milti hai to pal bhar ki kyu hoti hai..dukho ka saya itna gahera kyu hota hai..kyu har rishte me ek dard hota hai...kyu hamara mukkaddar hamara saath chod deta hai...kyu hume uspar kabhi kabhi ikhtiyar nahi ho pata hai...kyu raah par chalte chalte ek din rahebar saath chod deta hai..kyu zindagi aise haalat khade kar deta hai ki hume sahi aur galat kya hai samazme nahi aata....

Kabhi kabhi sabkuch pass hone ke bawjood hum apne aapko itna akela mahesoos karte hai...choti choti baaton me bhi agar khushi dhoonte hai to bhi ghum naseeb kyu hota hai...sidhi aur sahi rah talash me log najane apna kya kya kho baithte hai..apno ke liye aur dusro keliye khushiya dene ke baareme sochte sochte khudki choti choti khushiyo ko bhi bhulna pad jaata hai...

kabhi kabhi hum halato se sauda kar lete hai aur sochte hai kismat me yahi hai...aur phir usi halatome jeete jeete apni aadat ko badal dalte hai...lekin dil ke kisi kone me kuch purani yaade purane pal aur purani khushiya samete huye din guzar dete hai...tabhi taklif to bahot hoti hai ki mushkile to tabhi bhi thi aur aaj bhi hai..magar kyu aaj sabkuch bahot mushkil sa lagta hai...kyu pichli taklifo ko jab yaad karte hai to bura nahi lagta??? kyu aaj sabkuch bikhra hua sa lagta hai...

Ye sabkuch har kisike zindagi me hota hai...Lekin phir bhi koi aisi halato ko apne bass me kar leta hai...aur koi sochta hai ki inn halato ka samna shayad wo na kar paye aur innn halatose kahi door chala jaata hai....sochta to yahi hai ek insaan ki nahi hota hai aise halato ka samna,jinn halato se wo bhi dhukhi aur usse juda hua har inssan dukhi ho raha ho,na to wo khud khush rahe paa raha hai aur na hi apne aas paas ke logoko khush rakh paa raha hai...aur sach hi to hai jo khud apne aapko khush nahi rakh sakta hai wo kisi aur ko kya khush rakh sakta hai..??????????

bawajood iske ki koi baat nahi...kuch bhi to nahi hua hai....aur bass kuch nahi....nothing....bass yahi soch kar khush raho.....

Trust & Understanding...

Jante hai sablog ki kitni zaroorat hoti hai insaan ki zindagi me kisika saath,kisika pyar aur kisika bharosa... har koi ekhi koshish kareneme juta hua raheta hai,chahe wo galat irada ho ya sahi irada..har shaksh chahta hai ki wo jise chahe uska bharosa jeet kar uske dil aur uski zindagi me shamil ho jaye...Rishta chahe pyar ka ho ya dushmani ka kahete hai har rishte bharosa sabse zyada zaroori hota hai...kyuki jaha bahrosa hota hai waha pyar apne aap hi aa jata hai...aur jaha pyar hota waha humsafar,hamrahi,aur ek sachha dost hamesha saath hota hai...phir uski koi bhi pahechan kyu na ho jaise ek mata -pita ke roop me,ek bhai ke roop me,ya phir ek bahen ya ek sacche aur imandar dost ke roop me...

insaan zindagi ke kuch aise hi palo ko mahesoos to zaroor kiya karta hai,jaha uske saath kisika bharosa aur pyar -saath ye sabkuch ho...uss wqut to duniya me sabse khushnaseeb hota hoga...kahete hai pyar se duniya jeeti ja sakti hai...kya sachmuch aisa hota hai??????????shayad ha aur shayad na...lekin ha ek baat to hai ek insaan apne aapse zyada bhi kisise pyar kar sakta hai...kyuki unhe apne pyar sabse zyada bharosa hota hai...

Magar dil hai na kisipar bahot bharosa kar leta hai aur kisipar chahkar bhi nahi kar pata...ye atoot kabhi hota nahi hai...najuk rishte nahi balki najuk bharosa hota hai jiski wajahse duniya me sabse ahem rishte bhi najuk ban jaate hai...aur unhe najuk phoolo ko jistarah baghban me saja kar rakha jata hai usi tarah unn rishto ko bhi nibhana hota hi....Kya hota hai jab koi kisise bahot ummid lagaye baitha hota hai aur use ye pata chale ki jisse wo ummid lagaye baitha hai wo to uspar thodasa bhi bharosa nahi karta....

sach kahete hai log  kitne ajeeb rishte hai yaha ke do pal milte hai saath saath chalte hai jab mod aaye to bachke nikalte hai...Chahe kuch bhi ho yaha bass khush rahene hai....har tarah se bass sabka bharosa jeetna hai aur sabko samazkar jeena hai...phir chahe koi aapko samze ya na samze...koi aap par bharosa kare ya na kare aage badhte rahena hai...sach aur vishvas ki rah par...sabko jeet lena hai...

Expectations...

Aaj paheli baar istarah aapni baatoko,apne khayaloko jo aksar sabse chupake apne aapme socha karti thi aur likha karti thi achanak ek safed panno ki dairy me likhne se tham si gayi  mere haath ki kalam..yuhi dil me khayal aaya ki kyu na apne jazbaato ko blog me likh diya jaye...yu to jab koi iss blog ki taraf dhyan dega tab main apne inn lamho ko jinhe main iss tarah blog me bayan kar rahi hu usse koi padh payega...magar aaj phir bhi dil chahta hai ki kuch likhe,

khair ye safar,ye likhne ki kashish aur ye sochne ka andaz zindagi jine ke mayne sikha deta hai...log bahut accha aur bahot bura bhi likhte hai...lekin shayd jo baate apne baare me dusro-ke saath baatna chahte hai.dusroko batana chahte hai wo chahe kitni bhi badi badi kitabe kyu na chap le duniya use kyu na padh le...lekin unn jazbaato ko.uss likhawat ko chahe usme dard ho ya khushi ek likhne wala hi mahesoos kar sakta hai...najane kyu muze lagta hai ki chahe kitna bhi bada auther ya koi insaan kyu na hojaye jab usse apne aap ko duniya se waqif karana hota hai to wo apne kuch katu saty ko,apne gahere sach ko shayad bayan nahi karpata ho...lagta to yahi hai insaan apne dil ka har raaz,apne zindagi ki har baat duniya ke saamne kabhi nahi bolta hai...antim samay me bhi shyad wo apne dil me kisina kisi baat ko apne sinese lagaye mrityu pata hai...magar kya hota hai jab wo bhagwan ke samaksh khada hota hai,kya hota hai jab apne har wachno ko,apni ek-ek taklif ko ishwar ke samne kaheta hai..kya hota hai jab wo apni galtiyo par apne mann hi mann prayhchit karta hai magar allah ke samne wo bina hichkichaht sab kuch kahe deta hai...

hum insaan apne bareme kyu na soche???kabhi log kahete the pahele dusro ke bareme socho aur phir apnebareme..aaj daur bhi badal gaya hai aur log bhi..ab sunte ki apne bareme bhi socho aur apne saath saath  dusro ke bareme bhi socho...sabka bhala hoga...log aur daur badlte gaye lekin ummid,chaht aaj bhi wahi hai apni bhalai..taki jab aant samay aayega aur jab uparwale se aamna samna hoga to wo hume muskurate muskurate swikar karle aur hum apni takleefo ko bina shrm aur dard ke god ke samne bayan karde...

bass zindagi ummid par hi chalti hai..aaj bura hua to ummid bandhlo ki kal aapke saath aur aanewale har pal me apke saath khushi hogi...ummid zindagi ka shayad dusra naam ho...jab rishte bigadte hai,jab saans chutati hai tab ummid hi hoti hai zindagi ke liye kisab thik hoga...shayad ummid hi hai zindagi jeenekeliye....